البداية
Your right hand in performance marketing.
الأرقام بتقول إن كله تمام… طب ليه الحساب في الآخر مش مظبوط؟
Right Hand شركة بيرفورمانس ماركيتنج. فريق بخبرة +9 سنين، اشتغل على أرقام +100 براند في مصر والخليج. الإعلان عندنا قرار بيزنس، مش زرار في Ads Manager: بنمسك الأداء، ونقرا اللي بيحصل بعد الكليك، ونقعد معاك على نفس الترابيزة وقت القرار.
قعدة أونلاين نقرا فيها أرقامك، وتطلع منها بملخص مكتوب. من غير مقابل.
- +9سنين خبرة الفريق
- +100براند اشتغلنا على أرقامهم
- مصر والخليجأسواق اشتغلنا فيها
آخر الشهر.
الداشبورد بيقول إن الشهر كان كويس، والحساب في البنك بيقول حاجة تانية.
وكل واحد عنده تفسير: الإعلانات بتقول الكريتف تعب، والفريق بيقول العميل مش بيرد، والمخزن بيقول المقاس خلص.
وكلهم معاهم حق… بس محدش فيهم بيجاوب على السؤال اللي في دماغك: أعمل إيه الشهر الجاي؟
إعلانات أكتر هتكبّر نفس السؤال. اللي ناقص حد يقرا الأرقام كلها مع بعض، ويقولك التِرس الواقف فين.
- قيمة الأوردر1000
- مرفوض / مرتجع−150
- رسوم التحصيل−40
- الشحن−60
- تكلفة الإعلان−250
- اللي فضل فعلًا500
من الإعلان لحد ما الأوردر يبقى فلوس.
نشغّل الأداء
حسابات الإعلانات والميزانية مسؤوليتنا إحنا بالكامل، من الاستراتيجية لحد قرار الصرف اليومي.
نقرا البيزنس
اللي بيحصل بعد الكليك جزء من شغلنا: السعر، والعرض، والموقع، والتأكيد، والتحصيل. بنقراه بالأرقام، ونحط إيدنا على السبب.
نربط التروس
الحل نادرًا ما بيبقى في قسم واحد. بنحوّل التشخيص لخطوات واضحة لكل قسم عندك. فريقك بينفّذ، وإنت ماسك القرار.
كل قسم عندك ترس. وإحنا الترس اللي بيربطهم.
كل قسم عندك شغال كويس لوحده: الإعلانات، الكريتف، الموقع، التسعير، المخزن، التحصيل.
المشكلة بتبدأ لما ترس واحد يتعطل أو يلف بسرعة غير اللي جنبه. الباقي بيتأثر، وإنت مش بتشوف ده غير في آخر الشهر.
شغلنا إحنا: نقرا الأرقام كلها في صورة واحدة، ونقولك مين الواقف، ونحوّل ده لخطوات لكل قسم.
- كل قسم يفضل بتاعك وبفريقك.
- التروس تروسك. إحنا بنربطها.
الأوردر بيعدّي على 6 محطات قبل ما يبقى فلوس
في أي محطة منهم ممكن يقع. وشغلنا إننا نعرف وقع فين.
1 · الإعلان
«الصرف رايح فين، وبيجيب مين؟»
بنبني الحسابات، ونوزّع الميزانية، وناخد قرار الصرف كل يوم على الأرقام.
2 · الرسالة
«ليه حد يقف عند إعلانك أصلًا؟»
بنحدد زاوية البيع لكل منتج، وكل اختبار بيدخل بفكرة جديدة من أساسها.
3 · الموقع
«دخل… طب ليه ما اشتراش؟»
بنقرا الرحلة من الكليك للسلة للأوردر، ونحدد الناس بتقع فين.
4 · العرض
«السعر والخصم بيبيعوا… ولا بياكلوا الربح؟»
بنقيس كل سعر وكل عرض بصافي الربح اللي بيسيبه في الأوردر.
5 · التأكيد والتسليم
«الأوردر اتطلب… هيوصل؟ وهيتدفع؟»
بنتابع الأرقام من التأكيد لحد التحصيل، ونربط أي تسريب بسببه في المحطات اللي قبلها.
6 · القرار
«أعمل إيه الشهر الجاي؟»
كل الأرقام دي بترجع لقرار واحد واضح: نزوّد، ولا نثبّت، ولا نصلّح الأول، ونصلّح فين.
لما تشوف الرحلة كاملة، هتعرف إن المشكلة نادرًا ما بتكون في المحطة اللي ظاهر فيها العَرَض.
6 حاجات السوق متعود عليها… وإحنا بنشتغل عكسها
السوق بيقول: «الـROAS عالي يبقى إنت كسبان.»
السوق بيقول: «استنى أسبوع قبل ما تحكم.»
السوق بيقول: «انسخ اللي نجح وكبّر.»
السوق بيقول: «طلّعنا 20 كريتف الشهر ده.»
السوق بيقول: «جمّل الصورة والعميل هيشتري.»
السوق بيقول: «عملنا لعملائنا ملايين.»
إحنا مش بنوعدك برقم. بنوعدك إن كل سبب في إيدينا هيتاخد صح.
الشغل معانا شكله إيه؟
قبل أي خطوة
بنقعد معاك على البيزنس كله: الإعلان واللي بعده. بنقرا الأرقام اللي فاتت، وبنعمل Audit كامل، ونتفق على خطة مكتوبة قبل ما نلمس أي حاجة.
أول 30 يوم
مش بنهد المعبد.
أكتر حاجة بتقلق أي صاحب براند وهو بيغيّر اللي ماسك إعلاناته: إن البيع يقع في النص. عشان كده أول شهر ليه قاعدة واحدة: نصلّح من غير ما نوقّع. اللي شغال كويس بنسيبه وبندعمه، واللي فيه تسريب حقيقي بنوقفه.
كل يوم
بنراجع حساباتك كل يوم. والقرار اللي لازم يتاخد بيتنفّذ في يومه، من غير ما يستنى الريبورت الجاي.
كل أسبوع
بيوصلك تقرير واحد فيه الإعلانات، والأوردرات، والتحصيل جنب بعض. ولو الأسبوع محتاج، بنقعد نراجع اللي حصل.
كل شهر
ميتنج مش اختياري. بنحط المشاكل الكبيرة على الترابيزة، ونشوف الخطة ماشية صح ولا محتاجة تتعدّل.
مين معاك
بيرفورمانس ماركتير مسؤول عن حسابك. هو اللي شايف أرقامك كل يوم، وهو اللي بتكلمه. ووراه فريق بخبرة +9 سنين، اشتغل على أرقام +100 براند في مصر والخليج.
المبيعات عدّت 150 مليون جنيه من أول السنة
براند أونلاين في مصر جالنا عايز يكبر: كل ما يزوّد صرف الإعلانات، المبيعات تفضل مكانها.
ركّبناه على السيستم بتاعنا وربطنا كل حاجة ببعض، عشان قرار الصرف يتاخد على الصورة كاملة.
من أول السنة لحد النهارده، الصرف اليومي بقى 20 ضعف والمبيعات عدّت 150 مليون جنيه.
قبل: الصرف على الإعلانات بيزيد، والمبيعات ثابتة مكانها.
بعد: الصرف اليومي بقى 20 ضعف، والمبيعات عدّت 150 مليون جنيه من أول السنة.
- +150Mجنيه مبيعات مسجّلة على المتجر، من أول السنة
- 20×الصرف اليومي من أول السنة
- 59,019أوردر من أول السنة
- نقلنا الحسابات الإعلانية على مراحل، والأوردرات الأسبوعية فضلت ثابتة.
قعدة أونلاين من غير مقابل.
اللي هيوصلك: خطة، وتقرير، ومراجعة
قبل ما نبدأ
الخطة
إيه اللي شغال، وإيه اللي بيسرّب، وهنبدأ منين. بتستلمها مكتوبة، ونتناقش فيها سوا قبل أي خطوة.
3 أسئلة في مكان واحد
التقرير الأسبوعي
صرفنا كام وجبنا كام أوردر؟ كام منهم وصل؟ وكام اتحصّل؟
الخطة ماشية صح؟
المراجعة الشهرية
المشاكل الكبيرة، واللي اتغيّر، والشهر الجاي هيبقى شكله إيه.
تقرير بلغة الفلوس: اتصرف كام، ووصل حسابك كام.
إمتى نبقى الاختيار الصح؟
مناسبين لو:
- براندك بيبيع أونلاين، والإعلان بقى من أكبر بنود الصرف عندك.
- عندك فريق شغال، بس الأرقام بين الأقسام مش بتتقابل.
- عايز تفضل إنت صاحب القرار، بس محتاج حد يقرالك أرقام الأقسام كلها مع بعض.
- مستعد تسمع إن المشكلة ممكن تكون مش في الإعلان.
غالبًا مش إحنا لو:
- بتدوّر على حد يشغّل إعلانات ويبعتلك ريبورت وخلاص.
- لسه بتجرّب المنتج ومفيش بيع ثابت.
- عايز وعد برقم قبل ما حد يشوف أرقامك.
قعدة أونلاين من غير مقابل.
أول خطوة: نقرا أرقامك… من غير مقابل
قبل أي اتفاق، بنقعد معاك ونعمل Audit لحساباتك وأرقامك، ونقولك شايفين إيه، بخبرة فريق اشتغل على أرقام +100 براند. لو اشتغلنا سوا، الـAudit ده بيبقى أول خطوة في الخطة. ولو لأ، هتخرج وإنت عارف التِرس الواقف فين.
- القعدة أونلاين.
- بنحتاج صلاحية قراءة بس على حساب الإعلانات والمتجر.
- بتطلع منها بملخص مكتوب باللي شفناه.
- بنرد عليك خلال 24 ساعة من ما تبعت.